तनहुँ । नेपाली कांग्रेसका वरिष्ठ नेता रामचन्द्र पौडेलले अब कांग्रेसमा नातावाद, कृपावाद र निगाह नचल्ने बताएका छन्। आइतबार तनहुँको सत्यवती माध्यमिक विद्यालयको वार्षिकोत्सव उद्घाटन गर्न पुगेका पौडेलले नातावाद र कृपावादले पार्टी कमजोर बनाएको भन्दै यसको अन्त्य हुने उल्लेख गरेका हुन् ।
आफ्नो पन र चाकडिले क्षमतावान् कार्यकर्तालाई नेतृत्वमा नपुर्याएको पार्टि कमजोर बनेको ठोकुवा समेत गरेका छन् । ‘अब पार्टी र संगठनका लागि दुःख गरेका क्षमतावान् साथीहरू नेतृत्वमा जान पाउनुहुन्छ,’ पौडेलले पत्रकारहरूसँग भने, ‘नेताको निगाह र कृपा कुरिराख्नुपर्दैन।’
‘पार्टीको तलदेखि माथिसम्मका निकाय समावेशी बनाइएको छ, निर्वाचित पनि,’ उनले भने।
महासमिति बैठकले पार्टीभित्रका कमजोरीहरू पहिचान गर्न सहयोग पुर्याएको बताउँदै पौडेलले अब पार्टीलाई जनमुखी बनाउने पनि बताए।
