काठमाडौं। नक्कली सुनलाई सक्कली भन्दै ठगी गर्ने एक जनालाई प्रकाउ गरिएको छ । ललितपुर उपमहानगरपालिका वडा नं १३ बस्ने २६ वर्षका राजु परियारलाई प्रहरीले पक्राउ गरेको हो ।
काठमाडौँको जडिबुटीस्थित पेप्सीकोला एरियामाबिभिन्न व्यक्तिहरुलाई नक्कली सुन देखाई सक्कली हो भन्दै झुक्याएर ठगी गरेको सूचनाको आधारमा परियारलाइ प्रकाउ गरेको महानगरीय प्रहरी परिसर टेकुले जनाएको छ ।
अपराधिक क्रियाकलापमा संलग्न राजु परियारको खोजतलासका क्रममा बा ८२ प ५६८८ नंम्बर को चोरीको मोटरसाइकल समेत फेला पारेको परिसर जनाएको हो । प्रहरीले परियारलाई शरीर र कोठमा खानतलासी गर्दा सुनजस्तो देखिने नक्कली सुनका गहनाहरु समेत फेला पारेकोले पक्राउ गरेको प्रहरीले जनाएको छ ।
नक्कली गहना दिएर रवि तामाङको २ लाख रुपैयाँ र रमेश मगरको १ लाख ९० हजार ठगी गरेको जाहेरी दरखास्त समेत परेको हुँदा ठगी मुद्धामा काठमाडौं जिल्ला अदालतबाट म्याद थप लिइ अन्य अनुसन्धान समेत भइरहेको प्रहरीले जनाएको छ ।
