काठमाडौँ । अष्ट्रेलियाको एक नेपाली विद्यार्थी बेपत्ता भएका छन्।
अष्ट्रेलियाको न्यु साउथ वेल्स र भिक्टोरिया राज्यको सीमामा पर्ने अल्वरीस्थित मुर्रे नदीमा पौडी खेल्नेक्रममा २१ वर्षिय विगुल पण्डित डुबेर बेपत्ता भएको नेपाली दूतावासले जानकारी दिएको छ ।
बुधबार साँझ सात बजेतिर उनि बेपत्ता भएको खबर पाए लगतै प्रहरी, एम्बुलेन्सका कर्मचारी र स्वयमसेवक घटना स्थलमा पुगेका थिए । स्थानिय प्रहरीले खोजी तिब्र पारेपनि नदिको पानी धमिलो भएकाले खोजी कार्य प्रभावित भएको सञ्चार माध्यमहरुले जनाएका छन् ।
हराईरहेका पण्डित चाल्स स्टर्ट विश्वविद्यालयमा अध्ययनरत थिए। पण्डित पहिलो पटक नदीमा पौडी खेलिरहेका थिए।
प्रत्यक्षदर्शीका अनुसार घुँडासम्म आउने पानीमा बिगुल साथीभाईसँग पानी छ्यापाछ्याप र फुटवल खेल्दै रमाईलो गरिरहेका थिए। अचानक गायब भएपछि सबै जना मिलेर खोजे पनि फेला पारेका थिएनन्।
