काठमाडौँ । राष्ट्रिय चिकित्सा शिक्षा विधेयकप्रति असहमति जनाउँदै इलाममा १६औं अनशन बसेका डा. गोविन्द केसीको स्वास्थ्य समस्या देखिदै गएको छ ।
आइतबार पाँचौं अनशनका दिन डा.केसीलाई दाहिने फोक्सोमा समस्या देखेको चिकित्सक डा. रामकृष्ण आचार्य बताएका छन् ।
आचार्यका अनुसार डा.केसीको दाहिने फोक्सो राम्रोसँग खुल्न छाडेको छ। छातीमा संक्रमण भएको छ भने पिसाब कम आउन थालेको छ।
उनका अनुसार डा. केसीलाई जुनसुकै बेला पनि अस्पताल लानुपर्ने अवस्था रहेको भन्दै सरकारको ध्यानकर्षण गराएका छन् ।
डा. केसीको थप समस्या पत्ता लगाउनको उनको रगत र पिसावको नमुना परीक्षणका लागि अस्पतालमा लगिएको र रिपोर्ट आएपछि उनको स्वास्थ्यबारे थप जानकारी आउने चिकित्सकले बताएका छन्।
