काठमाडौं । निर्धारित समयमा महाधिवेशन गर्न नसेको भन्दै नेपाली कांग्रेसको भातृसंस्था नेपाल विद्यार्थी संघ भित्र विवादको बढेको छ ।
विवाद उत्र्कषमा पुगेपछि नेविसंघका केन्द्रीय सदस्यहरु देखि पदाधिकारीसम्मकाले एकपछि अर्को समुह बनाउदै राजीनामा दिने होड नै चलेको छ ।
शुक्रवबार नेविसंघका महामन्त्री सरोज थापासहित ७ जनाले राजीनामा दिएको भोलिपल्ट शनिबार सहमहामन्त्री हरीहर शर्मा र ललिता सुनारको नेतृत्वमा ४५ जनाले राजीनामा बुझाएका छन् ।
अधिल्लो समुहले पार्टि सभापति शेरबहादुर देउवा समक्क्ष राजिनामा बुझाएका थिए भने शर्मा समुहले पार्टीका बारीष्ट नेता रामचन्द्र पौडेल मार्फत राजीनामा बुझाएको नेबिका कार्यकर्ताहरुले जनाएका छन् ।
राजिनामा दिनेहरुले थपिएको ३ महिनामा पनि नेतृत्वले महाधिवेशन गर्न नसकेको र नेविसंघका अध्यक्ष नैनसिंह महरकै कारण नेविसंघले निर्धारित समयमा महाधिवेशन गर्न नसकेको भन्दै आरोप लगाएका थिए ।
नेविसंघले निर्धारित समयमा महाधिवेशन गर्न नसकेकोमा पार्टिका नेताहरुले समेत असन्तुष्टी जनाउदै आएका छन भने नेविसंघको कारण पार्टी समेत बिबादमा मुछिने गरेको आरोप लगाएका छन् ।
सरकार भ्रस्टाचारमा लिप्त हुँदा वाइड बडी भ्रस्टाचार काण्ड,निर्मला हत्या काण्ड,सरकारी तहा बाटै बिबादित धार्मिक कार्यक्रममा सम्लग्नाताहुँदा सम्म पनि नेविसंघ चुप लागेर बसेको र यसले गर्दा संघको शाख गिरेको भन्दै पछिल्लो समय पार्टी नेता कार्यकर्ता र बिद्यार्थी नेताहरुले अशन्तुष्टी ब्यक्त गर्दै आइरहेका छन् ।
