काठमाडौं । १० दिनको म्याद दिएर समितिले पाँच देशका लागि प्रस्ताव गरेको राजदुत माथि कुनै उजुरी परेको छैन । संसदीय सुनुवाई समितिले विभिन्न पाँच देश तथा नियोगका लागि प्रस्तावित राजदूतहरुविरुद्ध उजुरी आहृवान गरेपनि उनिहरु बिरुद्द कुनै पनि उजुरी नपरेको समितिले जनाएको छ ।
समितिले यहि पुस १८ गतेसम्म १० दिनको म्याद सहित प्रस्तावित पाँच राजदूतहरुविरुद्ध उजुरी आहृवान गरेपनि निर्धारित समयसम्म कुनै उजुरी प्राप्त नभएको सुनुवाई समितिले स्पष्ट पारेको छ ।
गत पुस ६ गते र ९ गते बसेको मन्त्रिपरिषद बैठकले नयाँ राजदूत नियुक्तिको सिफारिस गरेको थियो । परराष्ट्र मन्त्रालयका शिष्टाचार महापाल दीपक अधिकारीलाई फ्रान्सका लागि, मोनाको र पोर्चुगलका लागि गैरआवासीय नेपाली राजदूतमा नियुक्तिको सिफारिस गरेको थियो ।
यसैगरी, दुर्गाप्रसाद भण्डारी कुवेतका लागि, भृगु ढुंगानालाई क्यानाडाका र क्युबा तथा जमैकाका, मणिप्रसाद भट्टराईलाई संयुक्त राष्ट्रसंघको स्थायी प्रतिनिधि र गणेशप्रसाद ढकाललाई थाइल्याण्डका लागि राजदूत नियुक्तिको सिफारिस गरेको थियो ।
आगामी माघ २ वा ३ गते प्रस्तावित राजदूतहरुको सुनुवाई गर्ने तयारी भइरहेको छ ।
