काठमाडौँ । प्रहरीले पक्राउ गरेका व्यक्तिलाई छुटाउनका आग्रह गर्दै १० हजार घुस दिन खोज्नेलाई पक्राउ गरेको छ । पक्राउ पर्नेमा भारतको बहराइच थाना जिल्ला, मोतिपुर, बलैगाउँका ३५ वर्षीय विजय चौधरी रहेको अख्तियारले जनाएको छ ।
भन्सार छली अवैध रूपमा हार्डवयरका सामानहरु ओसारपसार गर्ने क्रममा पक्राउ परेका चार जना व्यक्तिहरूलाई हिरासतबाट छुटाउनको लागि प्रहरीलाई १० हजार घुस दिन खोजेका थिए। उनि बिरुद्ध कारबाहीको माग गर्दै आइतबार विशेष अदालतमा मुद्दा दायर गरेको छ। अख्तियार दुरुपयोग अनुसन्धान आयोगले घुस लिनेलाई मात्र नभई दिनेलाई पनि कारबाही गर्न थालेको छ।
प्रहरीले चौधरीलाई घुस रकमसहित पक्राउ गरेको थियो। उनले भ्रष्टाचार निवारण ऐन, २०५९ को दफा (३) को उपदफा ९३० बमोजिमको कसुर गरेको भन्दै आयोगले १० हजार बिगो कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को देहाय (क) बमोजिम सजाय हुन माग गर्दै विशेष अदालत काठमाडौंमा आरोप–पत्र दायर गरेको आयोगका प्रवक्ता रामेश्वर दंगालले जानकारी दिए।
