भद्रपुर । नेपाली काँग्रेसका नेता कृष्णप्रसाद सिटौलाले वर्तमान सरकार विकास र समृद्धिको बाटोमा नहिडेको बताएका छन् ।
प्रेस क्लब भद्रपुरमा आयोजित अन्र्तक्रियात्मक कार्यक्रममा बोल्दै नेता सिटौलाले विगतका सरकारका पालामा सुरु भएका महत्वपूर्ण बहुवर्षे आयोजनाका काम रोकेर सरकारले नयाँ कार्यक्रम समेत ल्याउन नसकेकोले विकास र समृद्धिको बाटोबाट सरकार भागिरहेको आरोप लगाएका हुन् । पूर्व उपप्रधान तथा गृहमन्त्री समेत रहिसकेका सिटौलाले एक वर्षे अवधिमा जनताको चाहना र विश्वास समेट्ने एउटा पनि उल्लेखनीय काम गर्न नसरकेर नेकपा सरकारले लाचारपन देखाइ रहेको प्रष्ट पारेका छन् ।
गृह जिल्ला झापामा दुई हप्तायता रहेका सटौलाले कार्यक्रममा बोल्दै नेपाली जनताले प्राप्त गरेको मौलिक व्यवस्था संघीय लोकतान्त्रिक गणतन्त्रबाट निराश हुनु पर्ने दिन सरकारले नै सिर्जना गरिरहेको धारणा राखे । उनले सरकार जनपक्षीय हुन नसके संघीयता, लोकतन्त्र र गणतन्त्र पनि धरापमा नपर्ला भन्न नसकिने प्रष्ट्याए । सरकारको कमजोरीप्रति प्रतिपक्षले खेल्नु पर्ने भूमिका अब नेपाली काँग्रेस नेतृत्वले अभिभावकत्व लिन जनजागरण अभियान चलाउनु पर्ने बताए ।
नेता सिटौलाले संघीय संरचना अनुसार पार्टी रूपान्तरण गरी जनताका घरदैलोसम्म जागर अभियान चलउन ढिालो गर्नु नहुने स्पष्ट पारे । उनले राज्यको एउटा अंगका रूपमा रहेको वायु सेवा निगम डुबाउन भूमिका खेल्ने जो कोही पनि कार्वाहीको भागिदार हुनु पर्ने नेपाली काँग्रेसको बटमलाइन रहेको जनाए । पार्टीको केन्द्रीय समितिले आधिकारिक धारणा प्रस्तावका रूपमा ह्वाइटबढीका दोषीमाथि कार्वाही गर्न सर्वसम्मत पारित गरेको तर्क गर्दै सिटौलाले सरकारले भ्रष्टाचारमा संलग्न जोगाउन विभिन्न बाहनाबाजी गर्नुनहुने जनाए ।
पछिल्लो पटक काँग्रेस सभापतिमाथि विमान घोटलाको आरोप लागेको प्रति लक्षित गर्दै सिटौलाले दोषी ठहर भए कार्वाह ीगर्न काँग्रेस सहयोगी हुने प्रष्ट पारे । सिटौलाले विगतमा झापाको समृद्धिका लागि आफू संसद हुँदा कार्यथालनी भएका दर्जनौं आयोजनाको काम रोकेर सरकारले विकास बिरोधी कार्य गरेकोमा आपत्ति समेत जनाए ।
उनले ऐतिहासिक नगर भद्रपुरको सुस्त स्वरूपबाट मुक्ति दिने प्रदेश नम्बर १ को सवैभन्दा ठूलो सभागृहका रूपमा निर्माण भइरहेको गिरिजाप्रसाद स्मृति भवनको काम रोकिनु, निर्माण सम्पन्न भएको मेची पुलबाट नागरिकले आवतजावत गर्न नपाउनु बिडम्बना भएको तर्क गरे । उनले परिवर्तित राजनीतिक संरचनाको संरक्षणका लागि नेपाली काँग्रेसले रूपान्तरणमा जान ढिलो गर्नु नहुने समेत जनाए ।
विधि र प्रकृया मिचेर सरकार अधिनायकवादको बाटोमा हिड्ने संकेत देखिएको भन्दै नेता सिटौलाले जनमत स्वेच्छाचारी प्रवृत्तिका लागि नभएकोले जनपक्षीय कामका लागि सरकारको ध्यानाकर्षण गराएका छन् ।
