काठमाडौं । नेपाल विद्यार्थी संघले सानेपास्थित नेपाली कांग्रेस पार्टी केन्द्रीय कार्यालयममा दुई घण्टा धर्ना दिएका छन् ।
पार्टिले चाहिनेभन्दा बढि समय थप गरेर बिद्यार्थी राजनिति समाप्त पार्ने खेलमा आफ्ना नेता लागेको भन्दै कार्यकर्ता र नेताहरुले धर्ना दिएका हुन् । नेविसंघका बिद्यार्थी नेताहरुले पटकपटक म्याद थप गरेर संगठन बिरोधी काम गरेको भन्दै आक्रोश पोखेका हुन् ।
पशुपति क्याम्पसको आयोजनामा मोटरसाईकल र्याली सहित पार्टि कार्यलय सानेपा पुगेका नेविका नेता तथा कार्यकताहरुले केन्द्रीय समितिको बैठकमा सहभागी हुन कार्यालय पुगेका सभापति शेरबहादुर देउवालाई घेराबन्दि समेत गरेका थिए ।
नेताहरुले अहिलेको नेतृत्वले महाधिबेशन पनि गर्न नसक्ने र स्ववियु निर्वाचन पनि गर्न नसक्ने भन्दै विद्यार्थीहरुले पार्टी नेतृत्वको विरोध गरेका हुन् ।
नेविसंघको म्याद सकेपनि पार्टिले आजको बैठकसम्मको लागि म्याद थपिएको थियो । आज बस्ने बैठकले नेविसंघलाई नयाँ कार्यदिशा तिर कसरी लैजाने भन्ने कुरामा केन्द्रित रहने नेताहरुले जनाएका छन् ।
