काठमाडौ । बुधबार पत्रकार भेटघाट कार्यक्रमको रिपोटिङको लागि गएका पत्रकारलाई कुटपिट गरेको भन्दै चलचित्र पत्रकार संघले आपत्ति जनाएको छ ।
बुधबार फिल्म ‘शुभ लभ’को रिपोटिङ गर्न गएका पत्रकार समिर बलामीमाथि कुटपिट भएको थियो । संघले बिहिबार जारी गरेको विज्ञप्तिमा भनिएको छ ‘दरबारमार्गको राइजिङ मलमा अवस्थित क्यूज चलचित्र भवनका कर्मचारीबाट पत्रकारमाथि दुव्र्यवहार हुन थालेपछि पत्रकार बलामीले प्रतिवाद गरेका थिए । सोही क्रममा चलचित्र भवनका कर्मचारीबाट बलामी कुटिएका हुन् ।’
हलका कर्मचारीले नै पत्रकारमाथि गालिगलोज गर्न थालेपछि बलामी सहित केहि पत्रकार कर्मचारीलाई सम्झाउन लाग्दा कर्मचारीहरुले हातपात गरेका थिए । यसबाट बलामीलाई सामान्य चोटपटक लागेको थियो ।
