काठमाडौं । दीपेन्द्र गजुरेल, नेपाली दुताबास स्पेनका लागि पूर्व राजदूत भरतबहादुर रायमाझी स्वदेश फर्कने हुनुभएको छ । उहाँ एयर इन्डियन एयरवेजबाट आइतबार अपरान्ह त्रिभुवन विमानस्थमा अवतरण गर्ने उहाँका नजिकका एक सहयोगीले नेपाल समाचारपत्र दैनिकलाई बताए ।
पदमुक्त राजदुत रायमाझिले मन्त्रीपरिषदको निर्णयलाई चुनौती दिदै नेपाल नफर्किने मनसाय व्यक्त गरेको समाचार प्रकाशित भएलगत्तै उहाँ नेपाल फर्किन तात्नुभएको थियो । उहाँलाई उहाँका केही निकटले मंगलबारै विदाई गरेका थिए ।
मन्त्रिपरिषद्ले गत पुस ९ गते ३ हप्ताको समय दिई नेपाल फर्काउने निर्णय गरेको थियो । उक्त निर्णयानुसार गत पुस १२ मा परराष्ट्र मन्त्रालयले पत्राचार गरी ३ हप्ताभित्र नेपाल फर्कन निर्देशन दिएको थियो । उक्त पत्रअनुसार माघ २ गते फर्किसक्नुपर्ने भए पनि उहाँले निर्णय अवज्ञा गर्दै आउनुभएको थियो । समाचार नेपाल समाचारपत्रमा छ ।
