काठमाडौं । बारामा भएको सडक दुर्घटना परी मृत्यु भएका सशस्त्र प्रहरी उपरीक्षक बलराम पोखरेलको शव काठमाडौं ल्याइएको छ। दुर्घटनापछि सिमरास्थित अस्पतालमा राखिएको शव आइतबार बिहान काठमाडौं ल्याइएको हो।
एसपी पोखरेल र बाराका प्रमुख जिल्ला अधिकारी गणेश भट्टराई चढेको बा १ झ १६३६ नम्बरको स्कोर्पियो जीप जिल्लाको पसहा नजिक रोकेर राखिएको ट्रयाक्टरको टेलरमा ठोक्किएर दुर्घटना भएको थियो।
दुर्घटनामा घाइते भएका प्रमुख जिल्ला अधिकारी भट्टराईको अवस्था चिन्ताजनक रहेको छ। बीरगंजस्थित हेल्थ केयर अस्पतालमा उनको उपचार चलिरहेको छ।
