काठमार्डौँ । स्पेनिस लालिगा फुटबलमा आज लिग लिडर बार्सिलोना र जिरोना बिच खेल हुदै छ । नेपाली समयअनुसार राति ९ बजे सुरु हुने खेलमा बार्साले जिरोनाको घरेलु मैदानमा खेल खेल्ने छ।
आफ्नै घरेलु मैदानमा हुने खेलमा घरेलु दर्शकको साथ मैदान उत्रिने जिरोनाले खेलमा बार्सालाई आफ्नो दबदवा राख्ने कोशिस गर्ने छ । जिरोनाई आजको खेलामा बार्सालाई बराबरी रोक्न सके उसको यहि नै ठुलो जित हुने छ ।
बार्सिलोना अघिल्लोपटक कोपा डेल रे फुटबलमा अवे मैदानमा सेभिल्लासँग २–० ले पराजित भएको थियो । तसर्थ, आजको खेलमा बार्सिलोनामाथि जितको बाटोमा फर्किनुपर्ने दबाब हुनेछ । अघिल्लो खेलमा बार्सिलोनाका प्रमुख खेलाडी मेस्सीलाई आराम दिइएको थियो ।
यसअघि जिरोनाले बार्सालाई उसकै घरेलु मैदान क्याम्प नाउमा २–२ को बराबरीमा रोकेको थियो ।
लिगमा हाल बार्सिलोनाले २० खेल खेल्दा १४ खेल जितेको छ भने ४ खेल बराबरी गर्दा २ खेल हारेको छ ।
यता, १२औं स्थानमा रहेको जिरोनाले २० खेल सकिँदा ५ खेल मात्रै जितेको छ । उसले ९ खेल बराबरी गर्दा ६ खेल हारेको छ । उसको खातामा २४ अंक छ ।
