काठमाडौं । नेपाल टेलिकमको फोरजी सेवा विस्तारमा ठूलो अनियमितता भएको यत्रै बर्ष पछि सांसदहरुले यसको छानबिन गर्न चासो देखाएका छन् ।
काँग्रेसका नेता तथा तत्कालिन सुचना तथा संचार मन्त्रि मोहन बहादुर बस्नेत हुदाँ नै फोरजी प्रकरणको काण्ड मिडियामा आएपनि यो प्रकरण त्यसै हराएको थियो । बस्नेतले नेतृत्व सम्हाल्दा नै संचार माध्यमा यसको ब्यापक हल्ला भएपछि उनि बारम्बार संचार माध्यममा स्पस्टिकरण दिनु परेको थियो ।
आइतबार प्रतिनिधिसभाको अर्थ समिति बैठकमा बोल्ने अधिकांश सांसदहरूले फोरजी सेवा विस्तारमा अनियमितता भएको भन्दै यसमा अनुसन्धान गर्न माग गरेपछि यो प्रकरण फेरी जागेको हो । बस्नेत मात्रै नभई हालसम्म संचार म्न्त्रालय र टेलिकमको नेतृत्व सम्हालिसकेका व्यक्तिको छानबिन गर्न सांसदहरुले माग गरेका हुन् ।
हाल १९ अर्ब खर्चेर टेलिकमको फोरजी सेवा देशभर विस्तार गर्ने योजना चलिरहेको छ । यो योजनामा यति धेरै रकम खर्चदा टेलिकम टाँट पल्टिने अवस्था देखा परेको छ ।
सांसद रामकुमारी झाँक्रीले निर्धारित समयमा काम नभएको र सम्बन्धित निकायको प्रस्तुतिले पनि सन्तुष्ट हुनसक्ने अवस्था नरहेको बताइन् ।
प्रतिस्पर्धीलाई बजार दिएर टेलिकमले आफ्नो क्षमता बढाउन नसकेको उनले टिप्पणी गरिन् । ‘निजी क्षेत्रका मोबाइल सेवा प्रदायकले थोरै लागतमा धेरै काम गर्ने तर, सरकारीले धेरै खर्चमा पनि सन्तोषजनक काम गरेको नदेखिँदा अनियमितता भएको आशंका हुन्छ नै’, उनले भनिन् ।
यही तरिकाले अघि बढ्ने हो भने टेलिकम टाट पल्टिने सांसद झाँक्रीको दाबी छ । सांसद विष्णु पौडेलले फोरजी विस्तार अत्यन्तै सुस्त गतिमा अघि बढेको बताए ।
मंगलबार पुनः बैठक बसेर यस विषयमा थप छलफल गर्ने समिति सभापति कृष्ण दाहालले जानकारी दिए ।
