काठमाडौं । मध्यपश्चिमको बहुचर्चित सिक्टा आयोजना प्रमुख इन्जिनियर सरोज पण्डितसँग ८० लाख धरौटी माग गरिएको छ ।
विशेष अदालतमा आइतबार हाजिर भएका पण्डितसँग तारिखमा राख्ने प्रयोजनका लागि उक्त धरौटी रकम माग गरिएको हो ।
विशेष अदालतको सुचना अधिकृतका अनुसार पण्डित ८० लाख धरौटी रकम बुझाउने बाचा गरेका छन् । पण्डितले ५९ करोड ३४ लाख ५२ हजार हिनामिना गरेको आरोप छ।
आयोजनामा भ्रष्टाचार भएको आरोपमा मन्त्री पाण्डेसहित २१ विरुद्ध मुद्दा दायर भएको छ। आयोजनामा कमसल सामाग्री प्रयोग गरी आयोजनालाई अलपत्र बनाएको भन्दै अख्तियार दुरुपयोग अनुसन्धान आयोगले छानबिनपछि मुद्दा चलाएको हो।
