काठमाडौं । अछाम जिल्लाको पञ्चदेवल विनायक नगरपालिकाकी उपमेयर अम्बिका चलाउने काठमाडौंमा पक्राउ परेकी छन्।
सरकारले चिकित्सा शिक्षा विधेयक जवरजस्ती पास गराएको भन्दै आन्दोलनमा उत्रिरहेका बेला काठमाडौंको नयाँ वानेश्वरबाट उपमेयर चलाउने पक्राउ परेकी हुन्। उप प्रमुख चलाउने नेपाल विद्यार्थी संघकी केन्द्रीय सह–महामन्त्री समेत रहेकी छन् ।
चलाउने सहित पक्राउ पर्नेमा नेविसंघका केन्द्रीय उपाध्यक्ष पवन यादव, केन्द्रीय सदस्यहरु गीता गुरुङ, चन्द्र बिक, सुमन पाण्डे, खड्ग सुब्बा, मेघा शाही, सृजना मल्ल, प्रेम शाही, सन्दिप ढकाल, अशोक बिष्ट, प्रेमिका रानामगर, पुजा फुँयाल, लोकेन्द्र शाह, जोगमाया रावल, सञ्जित श्रेष्ठलगायतका नेता कार्यकर्ताहरु पक्राउ परेका हुन्।
