काठमाडौं । रौतहटको गढीमाई नगरपालिका मेयर र वडाध्यक्ष विद्युत चोरीमा संलग्न रहेको भेटिएका छन् ।
नेपाल विद्युत प्राधिकरणको विद्युत चुहावट नियन्त्रण महाशाखा काठमाडौंबाट इन्जिनियर प्रदिपकुमार शर्मा नेतृत्वमा छड्के चेकजाँच टोली खटाएका टोलीले मेयर श्यामप्रसाद यादव (ग्राहक नं ००८.१३.०१ ) र वडा नम्बर ६ का वडाध्यक्ष रामसिंघासन यादव (ग्राहक नं ०७.२०.०३ ए) र गरुडा नगरपालिका १ का वडाध्यक्ष सरोज राय यादव (ग्राहक नं १८.०८.१९) ले आफ्नो घरमा विद्युत चोरी गरी प्रयोग गरेको फेला पारेको हो ।
जनताबाट निर्वाचित मेयर र वडाध्यक्ष नै विद्युत चोरीमा संलग्न हुनु दुर्भाग्यपूर्ण रहेको प्राधिकरणका कार्यकारी निर्देशक कुलमान घिसिङले बताए । श्यामप्रसाद यादव रौतहटको गढीमाई नगरपालिकामा नेपाली कांग्रेसबाट निर्वाचित मेयर हुन् ।
