काठमाडौँ । इङ्लिस प्रिमियर लिगको शीर्षस्थानमा रहेको लिभरपुललाई वेस्टहाम युनाइटेड
बराबरीमा रोकेको छ ।
सोमबार राति वेस्टहामको घरेलु मैदानमा भएको खेमला लिभरपुल १–१ गोलको बराबरीमा रोकिएको हो । लिभरपुलका लागि साडियो माने र वेस्टहामका लागि मिचेल एन्टोनियोले गोल गरेका थिए ।
खेलको २२औं मिनेटमा लिभरपुलले मानेको गोलबाट अग्रता लिएको थियो । मानेले गोल गर्दै लिभरपुललाई सुरुवाति अग्रता दिलाएपनि
वेस्टहामले उक्त अग्रता २८औं मिनेटमै तोडेको थियो । वेस्टहामका मिचेल एन्टोनियोले गोलगर्दै खेललाई बराबरीमा ल्याए ।
उनले फिलिपे एण्डरसनको फ्रिकिक पासमा गोल गरेका थिए । दोस्रो हाफमा लिभरपुलले लगातार गोलको अवसर बनाएपनि गोल गर्न सकेन । मोहमद सलाह र साडियो माने पटक पटक चुक्दा लिभरपुल अंक बाँड्न बाध्य बन्यो ।
बराबरीसँगै लिभरपुलले २५ खेलबाट ६२ अंक बनाएको छ । ३२ अंक बनाएको वेस्टहामा १२औं स्थानमा छ । दोस्रो स्थानमा रहेको म्यानचेस्टर सिटीको ५९ अंक छ ।
