काठमाडौं । नेपाली कांग्रेस सांसद पुष्पा भुसालले बलात्कारीलाई फाँसी दिने व्यवस्था मिलाउ सरकारसँग माग गरेकी छन् ।
बुधबार प्रतिनिधिसभा बैठकमा बोल्दै भुसालले पीडित १६ वर्ष भन्दा कम उमेरका भएका घट्नामा अपराधीलाई फाँसी दिने व्यवस्था ल्याउनुपर्ने बताएकी हुन् ।
पछिल्लो एक वर्षमा ५ सय ३५ बलात्कारका घट्ना भएको र त्यसमध्ये २१ प्रतिशत पीडित १५ वर्ष भन्दा कम उमेरको भन्दै सांसद भुसालले महिला हिंसा न्यूनीकरणको विषयमा सरकार बेखबर रहेको उनको आरोप थियो ।
शून्य समयमा बोल्दै भुसालले गत साउनमा बलात्कारपछि हत्या गरिएकी कञ्चनपुरकी बालिका निर्मला पन्तको हत्यारा सरकारकै वरीपरी घुमेको तर सरकारले भने हत्यारा पक्राउ परिसक्यो भनेर गलत सूचना दिएको बताइन् ।
