काठमाडौँ । अवैध लागुऔषध ‘खैरो हेरोइन’ सहित दुईजना पक्राउ परेका छन् । पक्राउ पर्नेमा कैलालीको वर्द गोरिया गाउँपालिका–१ स्थायी घर भई नेपाली सेनाको ललिपुरस्थित ब्यारेकमा कार्यरत बहालबाल जवान ऐकन्द्र शाही रहेका छन् । शाहीसँगै लागुऔषध कारोबारमा संलग्न कैलालीका कृष्ण भण्डारीलाई पनि प्रहरीले शनिवार नियन्त्रणमा लिएको छ ।
शाहीलाई काठमाडौं–२६ स्थित सगरमाथा गेष्ट हाउसबाट पक्राउ गरिएको महानगरीय अपराध महाशाखाले जनाएको छ ।
उनिहरुको साथबाट प्रहरीले २२ ग्राम खैरो हेरोइन बरामद गरेको हो।
पक्राउ परेकाहरुमाथि थप अनुसन्धान भइरहेको महानगरीय अपराध महाशाखा टेकुले बताएको छ ।
