काठमाडौँ । स्पेनिस ला लिगा फुटबलमा बार्सिलोना एथ्लेटिक बिल्बाओसँग बराबरीमा रोकिएको छ ।
लिग लिडर बार्सिलोनाभन्दा निकै आक्रमक देखिएको बिल्बाओले १३ पटक गोलको प्रयास गर्यो। ५ बल पोस्टको दिशामा गयो। तर सबै प्रयास बार्सिलोनाका गोल रक्षकले विफल बनाए।
यता बार्सिलोनाले १० पटक गोलको प्रयास गरेको थियो। मात्र २ बल पोस्टमा जान सफल भयो। सबै प्रयास विफल भए।
उक्त खेलमा बार्सिलोनाले ६७ प्रतिशत खेल आफ्नो पक्षमा पार्न सफल भयो। तर मात्र ३३ प्रतिशत खेल आफ्नो नियन्त्रणमा लिन सफल बिल्बाओ आक्रमक देखियो।
यसरी निर्धारित समयसम्म दुवै तर्फबाट गोल हुन नसकेपछि खेल गोलरहित बराबरीमा टुंगियो।
बार्सिलोनाबाट लियोनल मेस्सी पुरा समय मैदान उत्रिएका थिए। यद्यपी उनले कुनै गोल गर्न सकेनन्।
बार्सिलोनासँग बराबरी खेलको एथ्लेटिक बिल्बाओ २७ अंकसहित १३ औं स्थानमा छ। बार्सिलोनको लिगमा ५१ अंकसहित शीर्ष स्थानमै छ । दोस्रो स्थानको रियल मड्रिड बार्साभन्दा ६ अंकले पछि परेको छ।
