कञ्चनपुर । कञ्चनपुरको उत्तरी पश्चिम क्षेत्र ब्रम्हदेबमा नेपाली पक्षले बनाउन लागेको सडकमा भारतीय सीमा सुरक्षा बल (एसएसबी) ले अवरोध गरेको गरेको छ । भीमदत्त नगरपालिका ९ ब्रम्हदेबमा ४३ लाख लागतमा १.३८ मिटर सडक कालोपत्रे गर्न लागेको बेला निर्माण कार्यमा रोक लगाएको हो ।
भारतीय सीमा सुरक्षा बल एसएसबीले शुक्रबार ब्रम्हेदब–टनकपुर जोड्ने नेपाल तर्फको भूमिमा सडक कालोपत्रे गर्ने कार्य अवरोध पुर्याएको न्यू जोशी कस्ट्रक्सनका संचालक भीमराज जोशीले बताएका छन् । काम शुरु गर्दा चार जना एसएसबी आएर काम रोकेको उनको भनाइ छ ।
जोशीका अनुसारएसएसबीले माथिको आदेश छैन भन्दै काम गर्न नदिएको बताए । एसएसबीले काम रोकेपछि सडकमै जेसिभी थन्किएको छ ।
भीमदत्त नगरका प्रशासकीय अधिकृत हरिसिह धामीले एसएसबीले विवादित क्षेत्र भन्दै निर्माण कार्य रोक्न भनेपछि काम रोकिएको बताए । दुवै देशका सीमा संयुक्त सर्वेटोली र डिएमस्तरिय बैठकबाट सीमा विवाद टुङ्गो लागेपछि मात्रै काम गर्नदिन्छौँ भन्दै काम रोकेको गुनासो गरेका छन् ।
