काठमाडौँ । सरकारका प्रवक्ता गोकुल बाँस्कोटाले बममाथि सुतेर वार्ताको कल्पना गर्न नसक्ने बताएका छन् । उनले बम निस्तेज गरेर आए वार्ता हुने बताए ।
नेपाल प्रेस इन्स्टिच्यूट र नेपाल प्रेस काउन्सिलको सहकार्यमा आयोजित पत्रकारिता प्रशिक्षणको ३५औँ समूहको उद्घाटन समारोहमा सञ्चार तथा सूचना प्रविधिमन्त्री बाँस्कोटाले नेत्रविक्रम चन्द नेतृत्वको समूहले बम र बन्दूक त्यागेर आएमा सरकार वार्ता गर्न तयार रहेको उल्लेख ष्रेका छन् । , “बममाथि सुतेर वार्ताको कल्पना गरिन्न ।उनले भने बम निस्तेज गरेर आउनुस्, बकाइदा वार्ता हुन्छ ।”
नेपाल पत्रकार महासङ्घका महासचिव रमेश विष्टले आतङ्ककारी काममा पत्रकार संलग्न भएको पाइएमा सप्रमाण सञ्चारमाध्यमको परिसरबाट नभई बाहिरबाट नियन्त्रणमा लिन सुझाव दिए ।
प्रशासकीय अदालतका अध्यक्ष काशीराज दाहालले मानिसको जीवनपद्धति सञ्चारमाध्यमको स्वतन्त्रता र मर्यादालाई सन्तुलित दृष्टिकोणबाट अघि बढाउनुपर्ने बताए ।
