काठमाडौँ । आगामी लोकसभा चुनावमा बनारस लोकसभा सिटमा प्रधानमन्त्री नरेन्द्र मोदीविरुद्ध तमिलनाडुका १ सय ११ जना किसानले चुनाव लड्ने निर्णय गरेका हुन् ।
किसान नेता पी अयाकन्नूले बनारसका जनतालाई देशका किसान कस्तो हालतमा बाँचिरहेका छन् भन्ने कुरा देखाउन चुनाव लड्न लागेको बताए ।
अयाकन्नूका दक्षिण भारतीय नदी लिंकिंग किसान संघका प्रदेश अध्यक्ष हुन् र कृषि उत्पादनको उचित मूल्यको माग गर्दै उनको समूहले हालै दिल्लीमा गएर प्रदर्शन गरेको थियो ।
जन्तरमन्तरमा प्रदर्शन गर्नेक्रममा किसानहरुले अर्धनग्न भएर जिउमा मानव खप्परका माला लगाएका थिए । ती खप्परहरु आत्महत्या गर्ने किसानमा भएको दाबी उनीहरुको छ ।
