विराटनगर । रक्षामन्त्री ईश्वर पोखरेलले हतियार बोक्ने र बम पड्काउनेसँग वार्ता हुन नसक्ने बताएका छन् । उनले सरकारले अहिले विप्लव समूहसँग वार्ता गर्न चाहेपनि उचित बातावरण नबनेको बताए ।
विराटनगर बिमास्थलमा सोमबार पत्रकारहरुसँग कुरा गर्दै मन्त्री पोखरेलले यदि हतियार बुझाएर आए वार्ता हुने तर हतियार नबिसाएको खण्डमा भने वार्ता हुन नसक्ने स्पष्ट पारे ।
रक्षामन्त्री पोखरेलले भने, ‘विप्लव समूह हतियार बिसाएर आए वार्ता गर्न सरकार तयार छ।’
विप्लव समूहले बम पड्काउने, मान्छे मार्ने जस्ता अनुचित काम गरेकाले सरकारले प्रतिवन्ध गरेको उनले दोहोर्याए । तर, सरकारले कुनै राजनीतिक पार्टी र दललाई निषेध गर्न भने नखोजेको उनले बताए ।