काठमाडौं । आईतबार साँझ आएकोे हावाहुरी प्रभाबितलाई सहयोग गर्न स्वास्थ्य राज्यमन्त्री डाक्टर सुरेन्द्र यादवले निर्देशन दिएका छन् ।राज्यमन्त्री यादवले भीआईपीहरुको सुरक्षामा नखटिन र राहत तथा उद्धारमा सक्रिय रहन कर्मचारीहरुलाई निर्देशन दिएका हुन् ।
बुधबार बिहान बसेको बैठकमा राज्यमन्त्री यादवले बारामा आउने भीआईपीलाई भन्दा बढी पीडितको उद्धार र घाइतेको उपचारमा ध्यान दिन निर्देशन दिए ।
विनाशकारी हावाहुरीका कारण बारा र पर्सामा २७ जनाको मृत्यु भएको थियो । ५ सयभन्दा बढी घाइते भएका थिए । हावाहुरीबाट ५ सयभन्दा बढी घरपरिवार प्रभावित भएको सरकारी सञ्चारमाध्यमहरुले जनाएका छन् ।
