लहान । एसइईमा भाइको स्थानमा परीक्षा दिइरहेका एक नक्कली परीक्षार्थी पक्राउ परेका छन् । पक्राउ पर्नेमा कल्याणपुर नगरपालिका–५ निवासी १९ वर्षीय अमनकुमार गोइत रहेका छन् ।
अमनकुमारलाई मिर्चैया नगरपालिका–५ स्थित मोहन मावि परीक्षा केन्द्रमा भाइको नाममा एसइई परीक्षा दिइरहेको अवस्थामा पक्राउ गरिएको हो ।
सर्युग नायक जनता मावि भेडियाबाट परीक्षा दिन आएका १७ वर्षीय पिकंकुमार गोइतको नाममा परीक्षा दिइरहेको अवस्थामा अमनकुमारलाई शिक्षा विकास तथा समन्वय एकाइ कार्यालय सिरहाबाट खटिएको अनुगमन टोलीले पक्राउ गरेको हो । उनलाई इलाका प्रहरी कार्यालय मिर्चैयामा बुझाएको जनाएकोे छ ।
