गोरखा । २०७२ वैशाख १२ गतेको गोरखा भूकम्पको स्मृतिमा आउँदो बैशाख १२ गते बारपाकमा सार्वजनिक बिदा दिइएको छ ।
सोमबार प्रेस विज्ञप्ति जारी गर्दै सुलिकोट गाउँपालिकाले सो दिन गाउँपालिका स्थित सरकारी एवं सार्वजनिक कार्यालय र शैक्षिक संस्थाहरु बिदा हुने जनाएको छ ।
यही चैत २३ गते बसेको गाउँ कार्यपालिकाको बैठकले सो निर्णय गरेको हो । गोरखा भूकम्पबाट बारपाक सुलिकोट गाउँपालिकामा मात्र १ सय ३९ जनाको मृत्यु भएको थियो ।
