काठमाडौं । कमल थापा नेतृत्वको राष्ट्रिय प्रजातन्त्र पार्टी (राप्रपां) ले धर्म निरपेक्षताविरुद्ध राजधानीमा गरेको प्रदर्शनमा प्रहरीले हस्तक्षेप गरेको छ ।
शुक्रबार दिउँस रत्नपार्कको शान्तिवाटिकामा आयोजित कार्यक्रममा धर्म निरपेक्षताविरुद्ध ब्यानर र पोष्टर जलाउ खोजेपछि प्रहरीले हस्तक्षेप गरी केही नेता, कार्यकर्तालाई पक्राउ गरेको छ ।
पक्राउ पर्र्नेमा राप्रपा केन्द्रीय सदस्य रेवती कार्की, विद्यार्थी संगठनका अध्यक्ष महेश सिंह, भक्तपुर जिल्ला उपाध्यक्ष राम न्यौपाने, महासचिव जनक फडेरा, कोषाध्यक्ष गुणराज राजभण्डारीलगायतलाई पक्राउ गरेको पार्टी प्रभार विभाग प्रमुख मोहन श्रेष्ठले जानकारी दिए ।
प्रहरी हस्तक्षेपका बाबजुद अध्यक्ष कमल थापाले धर्म निरपेक्षता लेखेको ब्यानर जलाएका प्रचार विभाग प्रमुख श्रेष्ठले बताए ।
हिन्दु राष्ट्र पुनर्स्थापना लगायत २२ बुँदे माग राखेर विरोध कार्यक्रम गरिरहेको राप्रपा पहिलो चरणको अन्तिम कार्यक्रमको रुपमा बैशाख ८ गते राजमार्ग र चोकमा सत्याग्रह गर्ने कार्यक्रम सार्वजनिक गरेको छ।
