नुवाकोट । नेपाली कांग्रेसका सह–महामन्त्री डा.प्रकाशशरण महतले कम्युनिस्ट सरकारको अधिनायकवादी शैलीका कारण जनताले दुःख पाइरहेको आरोप लगाएका छन्।
नुवाकोटको पूर्वी भेगमा रहेको तादी गाउँपालिका–३ खरानीटारमा नेपाल महिला संघको संगठन सशक्तिकरण सम्बन्धी अन्तरक्रियामा डा. महतले सरकारको अधिनायकवादी शैली देशमा बढ्दै गएको भन्दै कम्युनिस्टको अधिनायकवादी सोच र तानाशाही प्रवृत्तिका विरुद्धमा सम्पूर्ण पार्टी पंक्ति ऐक्यबद्ध रुपमा परिचालित हुनु जरुरी रहेको बताए ।
मुलुकमा कम्युनिस्ट नेतृत्वको सरकारले निषेध र नियन्त्रणको राजनीति सुरु गरेको भन्दै यो कम्युनिष्ट सरकारबाट देशमा कहिल्यै समृद्धि प्राप्त नहुने उनले बताए । यो सरकारको अधिनायकवादी शैलीका विरुद्ध अब काँग्रेस एक भएर लडने उनले बताए ।
