काठमाडौं । ‘जनमत दो, आजादी लो’ भन्ने नारासहित विखण्डनकारी अभियानका मूख्य नाइके डा. सीके राउतले दल दर्ता गर्नेको लागि निर्वाचन आयोगमा निवेदन दिएका छन् । सरकारसँग भएको सम्झौतापछि जनमत पार्टी नामकारण गरेका उनले आइतबार दल दर्ताको निवेदन दिएका हुन् ।
दल दर्ता गर्नको लागि उनि सहित ३५ जना केन्द्रीय सदस्य पनि आयोग पुगेका थिए ।
सरकारसँग गएको फागुन २४ गते भएको ११ बुँदे सम्झौतापछि चैत ४ गते सिराहाको लहानमा बसेको बैठकले स्वतन्त्र मधेस गठबन्धन भंग गरी जनमत पार्टी गठन गर्ने निर्णय गरेको थियो । त्यही अनुरुप निर्वाचन आयोगमा दल दर्ताको निवेदन दिएको हो ।