काठमाडौं । सेयर बजारमा आज नेप्से परिसूचक ४.२१ अंकले घटेको छ । १ अर्ब भन्दा बढीको कारोबार भएपनि बजार १३१०.३१ बिन्दुमा अडिएको छ ।
यसदिन निर्जिबन बिमा तर्फ १०२.४३ अंकको गिरावट आएको छ भने दोस्रोमा विकास बैंकको १४.३६ अंकको गिरावट आएको छ । बैंकिङ समुह, जलविद्युत, फाइनान्स र माइक्रोफाइनान्स समुह घटेको छ ।
आज कारोबार रकमको आधारमा नेपाल लाइफ इन्सोरेन्सको पहिलो नम्बरमा रहेको छ । यसको १४ करोड ६९ लाख ८२ हजार ४ सय ८८ रुपैयाँ बराबरको सेयर किनबेच भएको छ । दोस्रोमा नेपाल बैंक रहेको छ । उसले ११ करोड २९ लाख बराबर कारोबार गरेको छ ।
