काठमाडौं । धनगढी विमानस्थल एक महिनाका लागि बन्द हुने भएको छ।
नागरिक उड्डयन प्राधिकरणका अनुसार बैशाख २२ गतेदेखि जेठ २१ गतेसम्मका लागि विमानस्थल बन्द हुनेछ।
धनगढी विमानस्थलका प्रमुख तेजबहादुर बुढथापाका अनुसार धावन मार्गको स्तरोन्नतिका बन्द गर्न लागेको जानकारी गाए ।
१० वर्षमा धावन मार्गको स्तरोन्नति गर्नुपर्ने भएपनि विगत १४ वर्षदेखि धावनमार्गको स्तरोन्नती गरिएको छैन। झण्डै २२ करोडको लगानीमा धनगढी विमानस्थलमा धावनमार्ग, पार्किङ क्षेत्र विस्तारलगायतको कार्य हुने प्रमुख बुढथापाले बताए।