काठमाडौं । भारतीय फुटलबलका पूर्व कप्तान एवम् स्ट्राइकर भाइचुङ भुटियाको ‘हाम्रो सिक्किम पार्टी’ सिक्किम विधानसभा तथा लोकसभा चुनावमा पराजित भएको छ।
बिहिबार आएको निर्वाचन परिणाम अनुसार सिक्किममा सिक्किम क्रान्तिकारी परिषद् बहुमत हासिल गरेको छ।भुटियाको पार्टीले एउटा पनि सिटमा जित दर्ता गर्न सको ।
३२ सिटका लागि भएको निर्वाचनमा पवन चाम्लिङ नेतृत्वको सिक्किम डेमोक्रेटिक फ्रन्ट १५ सिटमा सिमित भएपछि प्रेम सिंह तामाङ गोले नेतृत्वको सिक्किम क्रान्तिकारी परिषद्ले सरकार बनाउने भएको हो।
भुटियाको यो लगातार तेश्रो हार हो। यसअघि उनले पश्चिम बंगालकी मूख्यमन्त्री ममता बेनर्जी नेतृत्वको तृणमूल कांग्रेसबाट दार्जिलिङ्मा सन् २०१४ मा उम्मेदवार बनेका थिए।
