काठमाडाैंः अख्तियार दुरूपयाेग अनुसन्धान अायाेगले यातायात व्यवस्था कार्यालय, सवारी चालक अनुमतिपत्र, वीरगञ्ज, पर्सामा लेखापढीको काम गर्ने रोशनकुमार रौनियार र सुनिल कुमार यादवले स्काभेटरको लाइसेन्स बनाइदिने भनी सेवाग्राहीसँग घुस/रिसवत लिएकाे अाराेपमा विशेष अदालत काठमाडाैंमा मुद्दा दायर गरेकाे छ ।
अायाेगका प्रवक्ता प्रदीपकुमार काेइरालाका अनुसार घुस लिइरहेको भन्ने सूचना एवम् उजुरीको आधारमा आयोगको कार्यालय हेटौंडाबाट खटिइ गएको टोलीले निजहरू रोशन कुमार रौनियार र सुनिल कुमार यादवलाई सेवाग्राहीसँग रू. ३१ हजार घुस बापतको रकम लिइसकेको अवस्थामा नियन्त्रणमा लिएकाे थियाे ।
उक्त घटनाकाे अनुसन्धान हुँदा यातायात व्यवस्था कार्यालय, सवारी चालक अनुमतिपत्र, वीरगञ्ज, पर्साका नायव सुब्बा बद्रीप्रसाद दाहाल, शिखर इन्स्योरेन्स क.लि., तेस्रोपक्ष बिमा कलेक्सन काउण्टर, वीरगंज पर्साका लेखापढी व्यवसायी रोशनकुमार रौनियार र सोही काउण्टरमा काम गर्ने सुनिल कुमार यादव समेतको प्रत्यक्ष संलग्नता देखिएकाे अायाेगकाे भनाइ छ ।
तथ्य स-प्रमाण पुष्टि हुन आएको हुँदा निजहरू बद्रिप्रसाद दाहाल, रोशनकुमार रौनियार र सुनिल कुमार यादव विरूद्ध सजायको मागदाबी गरिएकाे हाे ।
विगाे र सजाय देहाय बमाेजिम रहेकाे अायाेगले जनाएकाे छः