नयाँदिल्लीः भारतमा लाेकसभाकाे निर्वाचनमा प्रचण्ड बहुमत हासिल गरेकाे भारतीय जनता पार्टीका नेता एवं प्रधानमन्त्री नरेन्द्र माेदीले पुनः प्रधानमन्त्री पदकाे सपथ लिएका छन् ।
राष्ट्रपति राम नाथ काेबिन्दबाट माेदीले सपथ लिएका हुन् । राष्ट्रपति कार्यालयमा अायाेजित विशेष समाराेहमा माेदीले सपथ लिएका हुन् । त्यस अवसरमा नेपाल, भुटान, श्रीलंका, बंगलादेशका प्रधानमन्त्री एवं राष्ट्रपतिहरूकाे सहभागिता पनि थियाे ।
सपथ कार्यक्रममा चुनावमा नराम्राे हार व्यहाेरेकाे भारतीय राष्ट्रिय काँग्रेसका अध्यक्ष राहुल गान्धी, साेनिया गान्धी, मनमाेहन सिंह समेतका नेताहरू पनि सहभागी थिए ।
राहुल गान्धीलाइ उत्तर प्रदेशकाे अमेठीमा पराजित गरेर चर्चामा रहेकी स्मृति इरानीलाइ पनि माेदीले मन्त्री बनाएका छन् ।
यसपटक माेदीले पुरानाे मन्त्रिमण्डलका कतिपय सदस्यलाइ पुनः सहभागी गराएका छन् भने केही नयाँ अनुहारका अाएका छन् । यसपटक शुस्मा स्वराज, राजनाथ सिंह, नीतीन गडकरी, प्रकाश जावडेकर समेतका पुराना अनुहार पनि दाेहाेरिएका छन् ।
अर्थमन्त्री अरूण जेट्लीले भने स्वास्थ्यका कारण नयाँ मन्त्रिमण्डलमा सहभागी नहुने घाेषणा गरिसकेका छन् । उनकाे ठाउँमा सम्भवत भाजपा अध्यक्ष अमित शाहलाइ जिम्मेवारी दिइने छ ।
