भारतका चर्चित अभिनेता, फिल्म निर्देशक, नाटककार, लेखक र बहुआयामिक प्रतिभाका धनी गिरिश कर्नाडको सोमबार बेंगुलुरुमा निधन भयो । उनी ८१ वर्षका थिए ।
उनी भारतको प्रतिष्ठित ज्ञानपीठ पुरस्कार तथा पद्म भूषणबाट सम्मानित थिए ।गिरिश लामो समयदेखि बिमारी थिए । उनको शरीरको कैयन अंगले काम गर्न छाडेको थियो । उनलाई सास लिन गार्हो भएपछि अन्तिम समयतिर अस्पतालमा भर्ना गरिएको थियो ।
कनार्डको हिजो नै अन्तिम संस्कार भयो । उनको इच्छा अनुसार परिवारले कुनै रीति रिवाज पालना नगर्ने निर्णय गरेको थियो ।
उनी ३५ वर्षको उमेरमा भारतको प्रतिष्ठित ‘फिल्म एण्ड टेलिभिजन इन्स्टिच्युट अफ इण्डिया (एफटीआईआई) ’ का निर्देशक चुनिएका थिए । उनी गैर–कर्मचारीबाट उक्त पदको नेतृत्व गर्ने पहिलो भारतीय हुन् ।
बहुमुखी प्रतिभाका धनी कनार्ड सन् १९५८ मा धारवाडस्थित कर्नाटक आर्ट कलेजमा पढेर त्यसपछिको पढाई बेलायतको अक्सफोर्ड विश्वविद्यालय गरे । उनले त्यहाँ दर्शनशास्त्र, राजनीतिशास्त्र र अर्थशास्त्रमा स्नातोकर डिग्री हासिल गरे ।
उनी युनिभसिटी अफ शिकागोमा प्रोफेसर पनि रहिसकेका व्यक्ति हुन् । तर पछि उनी त्यहाँबाट भारत फर्किएर थिएटरमा काम गर्न थाले । त्यसपछि उनले आफूलाई पूर्णत साहित्य र फिल्ममा लगाए ।
उनले त्यहाँ छदा ‘इन्टिग्रेटेड कोर्स’ सुरु गरेका थिए । त्यस अन्तर्गत एउटा विशेष विषयको पढाई गर्ने छात्र–छात्रालाई अर्को विषयको सामान्य जानकारी हासिल गर्नुपर्ने अनिवार्य गरिएको थियो ।
कर्नाटक राज्यको मुख्यमन्त्री कार्यालयले कर्नाडको सम्मानमा सोमबार विदाको गर्दै तीन दिनको शोक घोषणा गर्यो । मुख्यमन्त्री कार्यालयले घोषणाबारे स्पष्टिकरण दिँदै कनार्डलाई ज्ञानपीठ पुरस्कारबाट सम्मानित मानिसलाई दिइने राजकीय सम्मान दिएको बताएको छ ।
