काठमाडौं । देशभर आज मौसममा सामान्य बदली रहने जल तथा मौसम पूर्वानुमान महाशाखाले जनाएको छ । महाशाखा अनुसार सामान्य बदलीसहित केहि ठाउँमा मेघ गर्जनसहित पानी पर्ने र हावाहुरीको पनि सम्भावना रहेको जनाएको छ ।
पश्चिमी क्षेत्रमा विकसित भएको पश्चिमी वायु र मध्य तथा पहाडी भूभागमा स्थानीय वायुको प्रभावले मौसम प्रभावित भइरहेको जल तथा मौसम पूर्वनुमान महाशाखाका वरिष्ठ मौसमविद् मीनकुमार अर्यालले बताए।
उनका अनुसार आज मध्यभागमा साँझपख मेघ गर्जनसहित पानी आउने सम्भावना रहेको छ ।
राति देशका अधिकांश स्थानमा आंशिकदेखि सामान्य बदली रही पहाडी भूभागका केही स्थानमा मेघ गर्जनसहित हल्का वर्षाको सम्भावना रहेको महाशाखाले जनाएको छ।
जेठ ३० गते (बिहिबार)
दिउँसोः देशभरिनै आशिंकदेखि सामान्य बदलि रही केहि स्थानहरुमा मेघ गर्जन तथा हावाहुरीसहित वर्षाको सम्भावना छ।
रातिः देशको पश्चिमी भु(भागमा सामान्यदेखि पुर्ण बदलीका साथै मध्य तथा पुर्वी भु–भागमा आशिंकदेखि सामान्य बदलि रही पुर्वी तथा मध्य भु–भागका थोरै स्थानहरुमा र पश्चिमी भु(भागका केहि स्थानमा मेघ गर्जन तथा हावाहुरीसहित वर्षाको सम्भावना छ।
जेठ ३१ गते (शुक्रबार)
दिउँसोः देशको पुर्वी भु–भागमा सामान्य बदलीरहि मध्य तथा पश्चिमी भु–भागमा आशिंकदेखि सामान्य बदलि रहनेछ। पूर्वी तथा मध्य भु–भागका केहि स्थानहरुमा र पश्चिमी भु–भागका एक–दुई स्थानमा मेघ गर्जन तथा हावाहुरीसहित वर्षाको सम्भावना छ।
रातिः देशको पुर्वी भु–भागमा सामान्य बदलीरहि मध्य तथा पश्चिमी भु–भागमा आशिंकदेखि सामान्य बदलि रहनेछ। पूर्वी तथा मध्य भु–भागका थोरै स्थानहरुमा र पश्चिमी भु–भागका एक–दुई स्थानमा मेघ गर्जन तथा हावाहुरीसहित वर्षाको सम्भावना छ।
जेठ ३२ गते (शनिबार)
दिउँसो: देशको पुर्वी भु-भागमा सामान्य बदलीरहि मध्य तथा पश्चिमी भु-भागमा आशिंकदेखि सामान्य बदलि रहनेछ। पूर्वी तथा मध्य भु-भागका केहि स्थानहरुमा र पश्चिमी भु-भागका एक-दुई स्थानमा मेघ गर्जन तथा हावाहुरीसहित वर्षाको सम्भावना छ।
राति: देशको पुर्वी भु-भागमा सामान्य बदलीरहि मध्य तथा पश्चिमी भु-भागमा आशिंकदेखि सामान्य बदलि रहनेछ। पूर्वी तथा मध्य भु-भागका थोरै स्थानहरुमा र पश्चिमी भु-भागका एक-दुई स्थानमा मेघ गर्जन तथा हावाहुरीसहित वर्षाको सम्भावना छ।
महाशाखाको पछिल्लो विवरणानुसार आज काठमाडौं उपत्यकाको न्यूनतम तापक्रम १५ दशमलव ५ डिग्री सेल्सियस र अधिकतम तापक्रम ३२ दशमलव ४ डिग्री सेल्सियस रहने छ।
त्यस्तै, आज सबभन्दा बढी धनगढीको अधिकतम तापक्रम ४२ दशमलव शून्य डिग्री सेल्सियस मापन गरिएको छ।
