काठमाडौं । इंग्लिस क्लब म्यान्चेस्टर युनाइटेडले ब्राजिलियन फवार्ड एभर्टन सोर्सलाई आफ्नो कल्बमा भित्र्याउने भएको छ ।
संचार माध्यमहरुका अनुसार २३ बर्षिय फवार्ड एभर्टनलाई युनाइटेडले मात्रै होइन २०१८–१९ को इंग्लिस प्रिमियर लिग विजेता म्यानचेस्टर सिटीले समेत भित्र्याउन कोशिस गरिरहेको छ ।
सिटी र युनाइटेड उनलाई ग्रिमियो क्बलबाट आफ्नो घरमा भित्र्याउन लागि परेको मिडियाले जनाएका छन् । उनलाई अनुबन्ध गर्न २७ देखि ३६ मिलियनसम्म खर्चिन दुई क्बल तयार भएको जनाइएको छ ।
शनिवार विहान भएको बोलिभिया विरुद्धको खेलमा उनले उत्कृष्ट गोल गरेका थिए । खेलको ८५ औं मिनेटमा एभर्टन सोर्सले गोल गर्दै ब्राजिललाई ३–० को अग्रता दिलाएका थिए ।
इंग्लिस प्रिमियर लिग फुटबल २०१९–२० अगष्ट ९ तारिखबाट सुरु हुनेछ । उद्घाटन खेलमा च्याम्पियन्स लिगको विजेता लिभरपुल र प्रिमियर लिगमा बढुवा भएको क्लब नर्विच सिटीबीच प्रतिस्पर्धा हुने भएको छ ।
त्यस्तै, अगष्ट १० तारिखमा इंग्लिस प्रिमियर लिगको विजेता म्यान्चेस्टर सिटीले वेष्टहामससँग प्रतिस्पर्धा गर्नेछ ।
अगष्ट १० तारिखमा ७ खेल हुदैछ । त्यो दिन बोर्नमाउथले सेफिल्ड युनाइटेड, बर्नेलीले साउथहृयाम्पटन, क्रिस्टल प्यालेसले एभर्टन, लेष्टर सिटीले वोल्भ्स, वाटफोर्डले ब्राइटन र स्पुरले एस्टोनभिलासँग प्रतिस्पर्धा गर्दैछ ।
