काठमाडौं । जिल्ला अदालत कलैयाका खरिदा सुनिल चौधरी पक्राउ परेका छन् ।
अदालतको फैसला कार्यान्वयनका लागि मालपोतलाई पत्राचार गर्न १८ हजार घुस रकम लिएको आरोपमा पक्राउ परेको अख्तियार दुरुपयोग अनुसन्धान आयोगले बताएको छ ।
आयोगको कार्यालय हेटौंडाबाट गएको टोलीले चौधरीलाई सेवाग्राहीसँग १८ हजार रुपैयाँ लिइसकेको अवस्थामा कलैया–४ स्थित अदालत अगाडिको चियापसलबाट रङ्गेहात नियन्त्रणमा लिएको प्रवक्ता प्रदीपकुमार कोइरालाले बताए ।
