कञ्चनपुर । खानेपानी तथा सरसफाई मन्त्री विना मगरलाई कालो झण्डा देखाउन खोज्दा झडप भएको छ । नगर अधिबेशन उद्घाटन गर्न पुगेकी मगरलाई नेपाली कांग्रेसका कार्यकर्ताले कालो झण्डा देखाउन खोज्दा झडप भएको हो ।
मन्त्री पक्षधर नेकपा र कांग्रेस कार्यकर्ता बीच भएको झडपमा कांग्रेस कञ्चनपुर क्षेत्र नम्बर १ का सभापति गोपिप्रसाद उपाध्याय , नेपाली कांग्रेस बेलौरी नगर सचिव विक्रम चन्द, नेता हरेन्द्रसिंह बिष्ट र कृष्णबहादुर चन्द घाइते भएका छन् ।
नगरपरिषद् उद्घाटन गर्न धनगढीबाट निर्वाचन क्षेत्र आउँदै गर्दा पुनर्वास नगरपालिका १० डोकेबजार पुगेका कांग्रेसका कार्यकर्ता र नेकपाका कार्यकर्ता बीच केहीबेर झडप भएको कांग्रेस कार्यकर्ता यज्ञराज जोशीले जानकारी दिए । घाइतेको सेती अञ्चल अस्पतालमा उपचार भइरहेको छ ।
