काठमाडौं । विश्वका चर्चित फूटबलर लियोनल मेस्सी जस्तै देखिने एक जना मोडललाई झुक्याएर २३ युवतीसँग शारिरीक सम्बन्ध राखेको आरोपको चर्चा भएको छ ।
इरानको तेहरानमा रहेका मोडल रेजा पाराश्तेशलाई नक्कली मेसी बनेर २३ युवतीसँग सम्बन्ध बनाएको आरोप लागेको थियो, जसलाई उनले खण्डन गरेका छन् ।मेस्सीको अनुहारसँग मिल्ने रेजालाई लागेको आरोप अहिले सामाजिक सञ्जालमा भाइरल बनेको छ ।
भाइरल बनेपछि एक अन्तर्वार्ता दिएका रेजाले आरोपको खण्डन गरेका हुन् । उनले यो खबरले आफ्नो परिवारमा असर परेको बताए । ‘यो विषयलाई लिएर मेरो परिवारलाई पनि नचाहिँदो आरोप लगाइरहेका छन्,’ रेजाले भने, ‘यस्तो काम बन्द गरियोस् ।’
२६ वर्षीय रेजाले बुवाको आग्रहमा बार्सिलोनाको टिसर्ट लगाएर फोटो खिच्दै सामाजिक सञ्जालमा राखेपछि उनी ईरानमा मात्र नभएर विश्वभर चर्चित बने ।
‘यदि मैले त्यसो गरेको भए कोही त उजुरी लिएर आउँथ्यो होला ।’ उनले भने, मुस्लिम मुलुकमा बदनाम गराउनका लागि यस्तो हावादारी चर्चा भएको र यसले आफ्नो पारिवारिक जीवनमा पनि असर गरेको छ ।
उनले धोकाधडी गरेको बताए । रेजाले भने, ‘२३ महिलाहरुलाई म मेस्सीजस्तो लागेकोले सबन्ध राखेको भने, यदि यो साँचो हो भने, कसै न कसैले मविरुद्ध उजुरी गर्थ्यो होला नी ?, उत्तिकै आरोप लगाउन त पाइएन नी ?’
