काठमाडौं । झापामा प्रहरीलाई घुस दिन खोज्ने ट्रक चालक समातिएका छन् ।
जिल्ला प्रहरी कार्यालय चन्द्रगढी अगाडि ट्राफिक चेकिङ गरिरहेका ट्राफिक प्रहरीलाई पाँच सय रुपैयाँ घुस दिन खोज्ने ट्रक चालक उमाकान्त राजवंशी पक्राउ गरेका हुन् ।
नाख २ ख ८३६० नम्बरको ट्रक चालक अर्जुनधारा नगरपालिका–५ का उमाकान्तले चेकिङमा रहेका प्रहरी जवानलाई अभद्र व्यवहार समेत गरेका थिए ।
प्रकाउ परेका राजवंशीलाई जिल्ला प्रहरी कार्यालयमा राखेर आवश्यक कारवाहीको प्रक्रिया अगाडी बढाइएको झापा प्रहरी प्रवक्ता डिएसपी महेन्द्र श्रेष्ठले जानकारी दिए ।
