काठमाडौं । फाइभथर्टीएट डटकमले सार्वजनिक गरेको विश्व फुटबल वरियतामा इंलिस क्लब म्यानचेस्टर सिटी शीर्ष स्थानमा रहन सफल भएको छ ।
यस्तै वरियताको दोस्रो स्थानमा जर्मन क्लब वायर्न म्युनिख पर्न सफल भएको छ । यसैगरी इंलिस क्लब लिभरपुल तेस्रो, स्पेनिस क्लब बार्सिलोना चौंथो र इंलिस क्लब चेल्सी पाँचौं स्थानमा परेका छन् ।
फ्रेन्च क्लब पेरिस सेन्ट जर्मेन (पीएसजी) छैटौं स्थानमा रहँदा स्पेनिस क्लब रियल मड्रिड सातौं स्थानमा रहेको छ । यस्तै स्पेनिस एट्लेटिको मड्रिड आठौं, ग्रिसको ओलम्पिकास नवौं र नेदरल्यान्ड्स क्लब आयाक्स दशौँ स्थानमा छन्। अन्य इंलिस क्लबहरु टोटेनहम १२ आर्सनल २८ र म्यानचेस्टर युनाईटेड ३४ औं स्थानमा रहे । इटालियन क्लब युभेन्ट्स भने १५ औं स्थानमा परेको छ ।
यता म्यानचेस्टर युनाइटेडका ह्यारी मग्वाइर विश्वकै महंगा डिफेन्डर बनेका छन् । कीर्तिमानी रकममा लेस्टर सिटीका मग्वाइरलाई युनाइटेडले ८० मिलियन पाउन्डमा अनुबन्धित गरेको हो ।
योभन्दा अघि लिभरपुलले भान डाइगको लागि ७५ मिलियन खर्च गरेको थियो ।मग्वाइर म्यानचेस्टर सिटीसँगमा पनि आबद्ध भैसकेका खेलाडी हुन् । उनको सोमबार युनाइटेड प्रवेशका लागि मेडिकल जाँच पूरा भएको छ ।
मिगुइर २०१७ मा हुल सिटीबाट १७ मिलियन पाउन्डमा लेस्टर सिटिमा अनुबन्धित भएका थिए । उनि २६ वर्षका छन् । उनले लेस्टर सिटीसँग रहेर किङ पावर स्टेडियममा ७६ खेलमा सहभागी भएका छन् ।
उनले लेस्टर सिटीमा रहेर २० खेल जितेका छन् ।
