काठमाडौं । काठमाडौं महानगरपालिकाका प्रशासन प्रमुख ज्ञानेन्द्र कार्कीलाई संघीय मामिला तथा सामान्य प्रशासन मन्त्रालयमा तानिएको छ ।
लामो समयदेखि महानगरमा रहेका कार्की पछिल्लो पटक खुलामञ्चको जग्गामा टहरा बनाएर भाडामा दिन नक्कली कागज बनाउनेदेखि बसपार्कको टावर ठेक्कामा समेत जोडिएका थिए ।
कांग्रेस निकट स्थानीय तह कर्मचारी युनियनको एउटा समूहले कार्कीलाई मन्त्रालयमा तानिए आन्दोलन गर्ने चेतावनी दिएको छ ।सत्तारुढ नेकपासम्बद्ध कर्मचारी युनियनले भने कार्की बिभिन्न अनियमिततामा संलग्न रहेकाले छानविनका लागि मन्त्रालय तानिएको हुनसक्ने भन्दै हाजिर हुन जानुपर्ने जनाएको छ ।