वीरगञ्ज । बलात्कारको आरोपमा नेपाली सेनाका एकजना लेखापाल पक्राउ परेका छन् । पक्राउ पर्नेमा मकवानपुर घर भइ वीरगञ्ज महानगपालिका–८ घण्टाघरस्थित चण्डी प्रसाद गण वीरगञ्जमा कार्यरत दुर्गा तिमल्सिना रहेका छन् ।
बाराको सिमरास्थित होटल संगालोसँग जोडिएको बलात्कार घटनामा इलाका प्रहरी कार्यालय सिमरा प्रहरीको अनुरोधमा जिल्ला प्रहरी कार्यालय पर्साले बुधबार नै पक्राउ गरेको हो । उनलाई आज (बिहीबार) सार्वजनिक गरिएको हो ।
पक्राउ परेका तिमल्सिनालाई इलाका प्रहरी कार्यालय सिमरामा पठाइएको प्रहरी नायव उपरीक्षक (डीएसपी) अनन्तराम शर्माले जानकारी दिए ।