कैलाली । बिहीबार साँझ धनगढीमा बम विस्फोट हुँदा ज्यान गुमाएका राम सिंहले जीवनका बारेमा फेसबुकमा मार्मीक स्टाटस लेखेका रहेछन् । बझाङको जयपृथ्वी नगरपालिका–१, कैलाशपिमी घर भएका सिंह उपचारका क्रममा बिहीबार राति धनगढीको माया मेट्रो अस्पतालमा उनको ज्यान गएको थियो ।
प्रहीका अनुसार विस्फोटमा परि ज्यान गुमाएका सिंहको साथबाट मोबाइल र तीन ओटा सिम पनि प्रहरीले बरामद गरेको छ । उनको साथबाट ‘रिमोट टेस्टर’ लगायतका सामग्री पनि फेला परेको छ । विस्फोटक पदार्थ बोकेर हिँड्नुको प्रयोजन अझै खुलेको छैन ।
२७ वर्षीय सिंहले आफ्नो फेसबुक वालमा घटना हुनुभन्दा चार दिनअघि फेसबुकमा लेखेको स्टाटस उनको वास्तविक जीवनसँग मेल खाएको छ । गएको २९ गते उनले लेखेको स्टाटस यस्तो छ– ‘यो आकाशको उचाइ कति छ भनेर कसलाई के थाहा ? मेरो जिन्दगीको आयु कति छ भनेर मलाई के थाहा ? फेसबुकमा रहेका सबै साथीलाई न्यायो माया ।’