काठमाडाैंः शेयर बजारका लगानीकर्ताका संघसंस्थाहरुले राफसाफको विषयमा देखिएका जटिलता टुँगो नलागेसम्म कारबाही प्रकृया अगाडि नबढाउन केन्द्रीय निक्षेप प्रणाली (सिडिएसी)लाई संयुक्त अपिल गरेका छन् ।
चारवटा लगानीकर्ता संघसंस्थाका अध्यक्षले आइतबार संयुक्त वक्तब्य निकाली यस्तो आग्रह गरेका हुन् । वक्तव्यमा राफसाफका लागि लगानीकर्ताहरु स्वयँ शेयर ब्रोकर कार्यालयमा उपस्थित हुनुपर्ने व्यवस्था अव्यवहारिक रहेको उल्लेख छ । उनीहरुले अनलाइन र प्रबिधिको युगमा पनि लगानीकर्ता स्वयँ ब्रोकर कार्यालयमा धाउनु उपयुक्त नरहेको जनाएका छन् ।
यसरी वक्तव्य निकाल्नेहरुमा नेपाल इन्भेष्र्टर्स फोरम, शेयर लगानीकर्ता संघ, शेयर लगानीकर्ता दबाब समूह र नेपाल पूँजी बजार संघ रहेका छन् ।
यो व्यवस्था यही साउन १ गतेदेखि लागू गर्ने सीडीएसले जनाएको थियो ।
