काठमाडौं । बाराको सुवर्ण गाउँपालिका–१ बगहीमा अज्ञात समूहले चलाएको गोली लागेर एक जनाको मृत्यु भएको छ ।
युवकको कन्चटमा गोली लागि हत्या भएको अवस्थामा शव फेला पारेको बाराका प्रहरी प्रवक्ता रञ्जित सिंह राठौरले जानकारी दिए । मृतकको पहिचान हुन नसकेको उनले बताए ।
प्रहरी नायब उपरीक्षक राठौरका अनुसार मृतकको शव पोस्टमार्टमका लागि जिल्ला अस्पताल पठाइएको छ । घटनाबारे अनुसन्धान भइरहेको उनले बताए ।
