विराटनगर । कच्चा पदार्थ बोकेर आएको भारतिय ट्रकले मोटरसाइकललाई ठक्कर दिँदा चालकको मृत्यु भएपछि रानी क्षेत्रमा तनावग्रत भएको छ।
भारतिय एन एल ०१ डी ३६९० नम्बरको ट्रकलाई ओभरटेक गर्ने क्रममा बीआर ३८ आर ३२१३ नम्बरको मोटरसाइकल चालक विराटनगर १५ का २२ वर्षीय अमर सिंहको घटनास्थलमै मृत्यु भएपछि रानी बसपार्क क्षेत्र तनावग्रस्त बनेको हो।
प्रहरीका अनुसार आक्रोशित बनेका स्थानीयले मोटरसाइकललाई ठक्कर दिने ट्रकसहित २२ वटा मालबहाक सवारी साधनमा तोडफोड गरेको छन् । भारतबाट औद्योगिक कच्चा पदार्थ तथा पेट्रोलियम पदार्थ (इन्धन) लोड गरेर आएका गाडी र ट्यांकरहरु तोडफोड गरिएका हुन्।
तोडफोड गरिएका मध्ये आठवटा नेपाली र १४ वटा भारतीय नम्बर प्लेटका सवारी साधन छन्।बिहीबार रातिसम्म आन्दोलनका कारण रानी(विराटनगर सडकखण्ड ठप्प बन्यो।